Astanada jyl basynan beri 11 bala qaıtys boldy
ASTANA. QazAqparat - Jyl basynan beri Astanada balalarǵa qatysty 50 jazataıym oqıǵa tirkeldi, olardyń 11-i ólimmen aıaqtaldy, dep habarlady ІІD Ákimshilik polıtsııasy basqarmasynyń statderekteri.
Kóbine eresekterdiń bolmaýy saldarynan balalar bıikten qulap ketip jatady. Búginde balanyń terezeden qulaǵan 10 faktisi tirkeldi, olar tereze torynyń durys bekitilmegeninen bolýda. Nátıjesinde 2 bala kóz jumdy.
«Mysaly, 9 shildede saǵat 14-te balalar aýrýhanasyna qabyrǵa, omyrtqa, buǵanasy ár túrli dárejede synyp, mıy shaıqalǵan 6 jasar qyz bala jatqyzyldy. Ol úıinde eresek adamnyń qaraýynsyz qalyp, terezeden qulap ketken. Qazir balanyń jaǵdaıy óte aýyr», - dep habarlady Astana ІІD.
Budan basqa, 7 toq soǵý faktisi tirkeldi (1 bala qaza tapty), tórteýi peshtiń aqaýyna baılanysty gazben ýlanǵan, ekeýi órt faktisi, onyń birinde eki kishkentaı bala qaza tapty. Balany besikte qaraýsyz qaldyryp ketkennen 3 jańa týylǵan náreste ólimi tirkeldi. Bir jaǵdaıda anasy uıyqtap qalyp, balasy bastyrylyp qalǵan. 2 fakti boıynsha balalar sýǵa ketip qaıtys bolǵan.
48 jol-kólik oqıǵasy tirkeldi, onyń bireýinde bala qaza taýyp, 47 bala túrli dene jaraqattaryn alǵan.
