Astanada jyl basynan beri 1 mıllıon sharshy metrden artyq turǵyn úı tapsyryldy
ASTANA. QazAqparat - Jyl basynan beri qurylysqa baǵyttalǵan ınvestıtsııalar kólemi 63 041,1 mln. teńgeni qurady. Ótken jylmen salystyrǵanda paıdalanýǵa berilgen turǵyn úılerdiń sharshy metri ulǵaıdy - 1 134 324 sharshy metr. Barlyq qarjylandyrý kózderiniń esebinen 10 371 páterlik baspana tapsyryldy, dep habarlaıdy qalalyq ákimdiktiń baspasóz qyzmeti.
Jeke turǵyn úı salýshylar jalpy aýdany 99 723 sharshy metrlik úı salǵan.
Turǵyn úılerdiń baǵasyna toqtalsaq, elordada turǵyn úıdiń jalpy aýdanynyń bir sharshy metriniń quny orta eseppen 129,7 myń teńgeni quraıdy, sonyń ishinde jeke turǵyn úı salýshylar úshin sharshy metrdiń quny - 115,5 myń teńge.
Qazirgi kezde Astana qalasynyń kásiporyndary men uıymdary 223 462,1 mln. teńgeni quraıtyn qurylys jumystaryn (qyzmetterin) oryndady, sonyń ishinde 50,8%-y jeke merdigerlik uıymdarǵa, 49,1%-y sheteldik merdigerlik uıymdarǵa 0,1%-y memlekettik merdigerlerge tıesili.
Negizinen, qurylys-montajdaý, kúrdeli jáne aǵymdyq jóndeý jumystary júrgiziledi.
Qurylys jumystarynyń basym bóligin turǵyn jáne turǵyn emes ǵımarattardyń qurylysy quraıdy - 68,7%, elektrotehnıkalyq, slesarlyq jáne ózge de qurylys-montajdaý jumystary - 10,5%.
