Astanada jyl basynan beri 1,5 myń mas júrgizýshi ustaldy
ASTANA. QazAqparat - Astanada jyl basynan beri 1,5 myń mas júrgizýshi ustaldy, dep habarlady elordalyq ІІD baspasóz qyzmeti.
Sonymen birge, Astana qalasy ІІD ÁPB jol-patrýl polıtsııasynyń qyzmetkerleri jol qozǵalysyn qadaǵalaýda kólik quraldarynyń júrgizýshileri avtomobıl salondarynan jol boıyna qoqys laqtyrýdyń 750-den astam faktisiniń jolyn kesti. Astana qalasy ІІD ÁPB bastyǵynyń orynbasary Goman Jakın elordalyq polıtseıler usaq buzaqylyq, qoǵamdyq oryndarda temeki tartý jáne alkogol ishimdikterin ishý, qoqys laqtyrý jáne basqa da kóptegen qoǵamdyq tártip buzýshylyqtyń 80 myńnan astam faktilerin anyqtaǵanyn aıtty.
Atap aıtqanda, 3,5 myń tártip buzýshylar usaq buzaqylyǵy úshin jaýapqa tartyldy, sonyń 602-si ákimshilik qamaýǵa alyndy, taǵy 2900-ine aıyppul salyndy. Ýchaskelik polıtsııa ınspektorlary tynyshtyqty buzýdyń 7 myńnan astam faktisiniń jolyn kesti. Qoǵamdyq oryndarda temeki tartqany úshin 13 myń adam jaýapqa tartyldy, taǵy 3 myń adam qoǵamdyq oryndarda jabysqany úshin ustaldy.
