Astanada jyl basynan anyqtalǵan AITV-ny juqtyrý oqıǵalarynyń 10 paıyzǵa jýyǵyn mıgranttar quraıdy
ASTANA. 1 mamyr. QazAqparat - Astana qalasynda 2013 jyldyń birinshi toqsanynda AITV ınfektsııasyna shaldyǵýdyń jańadan 31 deregi tirkeldi. Bul ótken jyldyń sáıkes kezeńimen salystyrǵanda 3 oqıǵaǵa kóp. Bul týraly Astana qalalyq JITS-tiń aldyn alý jáne oǵan qarsy kúres ortalyǵynyń baspasóz qyzmeti málim etti.
Astanada 2013 jyldyń 1 sáýirindegi jaǵdaı boıynsha, ósim qarqynymen indetti juqtyrýdyń 613 faktisi tirkeldi. Elordada Qazaqstan Respýblıkasynyń ózge óńirlerinde sııaqty VICh ınfektsııasy halyqtyń osal tobynyń arasynda shoǵyrlanǵan, eń aldymen, esirtkini qan arqyly paıdalanatyn nashaqorlar arasynda. Beı-bereketsiz jynystyq qatynaspen ómir súretinder, jynystyq qatynastardy usynatyn tulǵalar, bas bostandyǵynan aıyrý mekemelerinde otyrǵandar sondaı-aq, juqpaǵa shaldyqqandardyń jartysynan astamyn qurap otyr. Infektsııany juqtyrǵandardyń denin erler quraıdy.
Sońǵy jyldary ınfektsııanyń jynystyq joldarmen berilýi qarqyn alýda. Vırýstyń bul jolmen taralýy 2013 jyldyń birinshi toqsanynda anyqtalǵan barlyq oqıǵanyń 45,2 paıyzyn qurady. Qalalyq JITS Ortalyǵy mamandarynyń aıtýynsha, bul - AITV-mártebesi bar nashaqorlarmen nemese beı-bereketsiz jynystyq baılanyspen ómir súretindermen qatynasta bolǵan áıelderdiń epıdúderiske enýimen baılanysty. Іndetti juqtyrǵandardyń jalpy sanynyń 50 paıyzyn jumys istemeıtinder quraıdy.
«Sondaı-aq Astanadaǵy epıdemıologııalyq jaǵdaıǵa kóshi-qon úderisi yqpal etýde. Aǵymdaǵy jyldyń birinshi toqsanynda jańadan tirkelgen oqıǵalardyń 9,7 paıyzyn elordaǵa ýaqytsha nemese turaqty turý úshin kelgender, olardyń arasynda alys jáne jaqyn shet elderden at aryltqandar bar», - deıdi mamandar.
JITS Ortalyǵynyń mamandary jazǵy maýsymda bas qalaǵa shet elderden eńbek mıgranttarynyń kóptep aǵylýymen AITV/JITS boıynsha ahýaldyń órshı túsetinin joqqa shyǵarmaıdy. Osy rette, Ortalyqtyń epıdemıolog-dárigerleri AITV/JITS boıynsha aqparattandyrylýdy arttyrý maqsatynda oıyn-saýyq mekemelerinde (túngi klýbtar, kınoteatrlar, dámhana, meıramhanalar), sporttyq keshenderde, qyzmet kórsetý oryndarynda, óndiris oryndarynda bolyp, qyzmetkerlermen dárister ótkizýde.
Epıdemıolog-dárigerler Astana q. JITS Ortalyǵynda Dostyq kabıneti, Senim beketi, Psıho-áleýmettik kómek kórsetý jáne AITV-ǵa jasyryn testileý kabıneti jumys isteıtindigin eske salady. Sondaı-aq Ortalyqtyń www.astana-aids.kz resmı saıtyna tolǵandyrǵan máseleler boıynsha saýaldar joldaýǵa, (87172) 38 15 85 senim telefon nómiri arqyly Ortalyq dárigerlerimen tikeleı tildesýge bolady.
