Astanada jyl basynan 900-den astam tótenshe jaǵdaı oryn aldy

Bul týraly  qalalyq Tótenshe jaǵdaılar departamentine silteme jasap, Astana qalasynyń resmı saıty habarlady.

«Tótenshe jaǵdaılardyń negizi - 625 oqıǵasy (nemese jalpy sannyń  69 paıyzy)  órtke baılanysty. Odan 56 adam zardap shegip, 14 adam kóz jumdy», - deıdi Astana qalasy Tótenshe jaǵdaılar departamenti.

Vedomstvodan habarlaǵanyndaı,  órt shyǵýdyń negizgi sebepteri - otty durys paıdalanbaý, elektr quraldary men  jelilerin paıdalanýda óreskel qatelikterge jol berý, qaýipsizdik erejelerin buzý, sondaı-aq  jaramsyz peshterge ot jaǵyp, órt qaýipsizdigin saqtamaý bolyp tabylady. 

Qatty otynmen janatyn peshterdiń  aqaýlyǵy tútinmen ýlanyp qalýǵa jıi ákelip soqtyrady, kisi ólimi de joq emes. Olardyń arasynda bir otbasynyń túgel ıis tıip, kóz jumǵan oqıǵasy da bar.