Astanada jyl basynan 829 júrgizýshi qamaýǵa alynǵan

ASTANA. QazAqparat – Jyl basynan Astanada kólikti mas kúıinde basqarǵan 855 júrgizýshi ustaldy. Bul týraly qalalyq Polıtsııa departamenti jergilikti polıtsııa qyzmeti basqarmasynyń bastyǵy Arman Aıtmaǵambetov aıtty, dep habarlaıdy QazAqparat tilshisi.

«2023 jyldyń basynan polıtsııa qyzmetkerleri elordada joldaǵy qozǵalys boıynsha ereje buzýdyń 100 myńnan astam deregin anyqtady. Kólikti mas kúıinde basqarǵan 855 júrgizýshi ustaldy, al apattyq jaǵdaı jasaǵany úshin 1500-den astam ákimshilik hattama toltyryldy», - dedi A. Aıtmaǵambetov Astana qalasynyń kommýnıkatsııalar qyzmetindegi baspasóz máslıhatynda.

Onyń aıtýynsha, mamandandyrylǵan aýdanaralyq ákimshilik sotynyń sheshimimen 673 júrgizýshi kólik quraldaryn basqarý quqyǵynan aıyryldy. Qamaýǵa alý túrindegi ákimshilik jaýapkershilikke 829 adam tartyldy.

«Kólikke ekinshi márte mas kúıinde otyryp, basqarǵany úshin 70 adamǵa qatysty qylmystyq is qozǵaldy. Atap aıtqanda, qalada jol-kólik oqıǵalary 9,8 paıyzǵa artty», - dedi basqarma basshysy.