Astanada jyl basynan 6 bala terezeden qulap ketken

ASTANA. QazAqparat – Elordada jyl basynan 6 bala terezeden qulap ketken, dep habarlaıdy QazAqparat Polisia.kz-ke silteme jasap habarlaıdy.

Bıylǵy jyl bastalǵaly Astanada balalardyń terezeden qulaýynyń 6 deregi tirkeldi.

«Qýanyshqa oraı, barlyq bala aman, alaıda jaraqat alǵan», - deıdi polıtsııadan.

Oqıǵalardyń birinde 2 jasar sábı úıde úlken balalarmen qalǵan. Ol terezege kóterilip, masaǵa qarsy torǵa súıenbek bolyp úshinshi qabat terezesinen qulap ketken. Búldirshin aýrýhanaǵa jatqyzyldy.

Qulaý jaǵdaılarynyń deni eresekterdiń balalardyń júris-turysyn baqylamaýynan, terezeni jabýdy umytyp ketýden, terezelerde blok-qulyptardyń bolmaýynan, balalarǵa terezege ózdiginen kóterilýge múmkindik beretin jıhazdyń durys ornalaspaýynan jáne tereze jabyq turǵandaı ıllıýzııa týdyratyn masaǵa qarsy torlardan bolady.