Astanada jyl basynan 3,7 myń adam koronavırýsqa shaldyqty
NUR-SULTAN. QazAqparat –2021 jyldyń qańtar aıynyń basynan beri elordada koronavırýs ınfektsııasynyń 3 763 jaǵdaıy tirkeldi. Bul týraly Nur-Sultan qalasynyń Bas memlekettik sanıtarlyq dárigeri Sarhat Beısenova aıtty, dep habarlaıdy QazAqparat tilshisi.
«Ýaqytyly qabyldanǵan shekteý jáne karantındik sharalardyń arqasynda 30 qańtardan bastap COVID-19 ınfektsııasy boıynsha epıdemıologııalyq ahýaldy baǵalaý matrıtsasyna sáıkes qala sary aımaqqa kóshti. Alaıda, qalada barlyq jastaǵy jáne kontengenttegi turǵyndar arasynda COVID-19 jaǵdaılary tirkelýde. 2020 jyldyń jeltoqsanymen salystyrǵanda aýry 1,5 esege nemese 35 paıyzǵa ósýi baıqalady», - dedi ol Ortalyq kommýnıkatsııalar qyzmetindegi baspasóz máslıhatynda.
Bas memlekettik sanıtarlyq dárigerdiń aıtýynsha, 2021 jyldyń qańtar aıynyń basynan beri 3 763 jaǵdaı tirkeldi. Bir táýlikte ınfektsııanyń 61 jaǵdaıy tirkelip otyr.
«Onyń ishinde sımptommen - 44, sımptomsyz - 17. 65 oshaq anyqtaldy, 49-y - úı, 16-sy - uıymdastyrylǵan. Astanalyqtar arasynda aýyrǵandardyń 24,5 paıyzyn 30-39 jastaǵy adamdar quraıdy. 50 men odan joǵary jastaǵy adamdar – 22,7 paıyz, 18-19 jáne 40-49 jastaǵy toptar boıynsha - 16-y paıyzdan, balalar - 16,7 paıyz», - dedi Sarhat Beısenova.
