Astanada júzýden álem kýbogynyń kezeńi bastaldy

Qazaqstanda alǵash ret uıymdastyrylyp otyrǵan jarys 17 qazanǵa deıin jalǵasady.

Jarys «Barys Arena» sport kesheninde ótip jatyr. Munda álemniń úzdik júzgishteri, sonyń ishinde Olımpıada chempıondary men júldegerleri, sondaı-aq álem chempıonattarynyń jeńimpazdary men júldegerleri baq synaıdy.

Qazaqstan namysyn 22 sportshy qorǵaıdy. Ulttyq qurama sapyna Aleksandr Rýmynskıı, Danııl Cherepanov, Maksım Klımenko, Sofıa Spodarenko, Adelaıda Pchelıntseva, Egor Vasılenko, Gleb Kovalenıa, Danııl Chýjınov, Raıd Hıssamıev, Mansur Baltemir, Elaman Bıbýlaev, Artem Shevchenko, Aıbat Myrzamuratov, Anatolıı Rýdenko, Rıshat Jumaǵulov, Ádilbek Mýsın, Artýr Mıronov, Maksım Skazobtsov, Egor Popov, Fedor Dıdenko, Sofııa Ábýbákirova jáne Ǵalymjan Balabek kirdi.

Álem kýbogy kezeńiniń ashylý saltanaty búgin saǵat 17:30–da ótedi.

Aıta keteıik, 2026 jyly álem kýbogy Silk Road Tour serııasy aıasynda uıymdastyrylyp, úsh qalany qamtydy. Alǵashqy eki kezeń Ázirbaıjannyń Baký jáne Ózbekstannyń Tashkent qalalarynda ótti.

Eske salaıyq, buǵan deıin júzýden álem kýbogy kezeńinde baq synaıtyn Qazaqstan quramasynyń tizimi anyqtalǵanyn habarlaǵanbyz.