Astanada jýyrda «Bári de án shyrqaıdy!» karaoke chempıonaty bastalady
ASTANA. QazAqparat - Astana qalasy ákiminiń kýbogy sarapqa salynatyn karaoke boıynsha «Bári de án shyrqaıdy!» chempıonatynyń birinshi kezeńi 10 maýsym kúni saǵat 17.00-de «Jastar» saraıynda ótedi, dep habarlaıdy qalalyq ákimdiktiń baspasóz qyzmeti.
Baıqaý eshqandaı shekteý qoıylmaıtyn, nıet bildirgenderdiń barlyǵy da qatysa alatyn Qazaqstandaǵy jalǵyz joba. Bir ǵana talap - vokaldyq qabiletke ıe bolý.
Chempıonat alǵash ret Astana qalasy ákimdiginiń qoldaýymen eki jyl buryn uıymdastyrylyp, oǵan 200 adam qatysqan bolatyn.
2015 jylǵy chempıonat qorytyndysy boıynsha Nurlan Tókenov, Denıs Nı jáne Mılana Serikovalar jeńimpaz atandy. Jas talantty oryndaýshyǵa Astana qalasy ákiminiń Kýbogy tabystaldy.
Shara «halyqtyq» degen ataýǵa ıe boldy, óıtkeni chempıonatqa qatysýshylar barlyǵyna tanys kompazııatsııalardy oryndaıdy.
Vokaldan sabaq beretin tájirıbeli oqytýshylar bıylǵy jyly top tálimgerleri bolady:
Baqytjan Masalımov - «Okno v Evropý-2008» jáne «Jemchýjnyı horovod-2007» halyqaralyq baıqaýlarynyń laýreaty;
Aıman Álimhanova-Tórebaeva - halyqaralyq baıqaýlar men festıvalderdiń laýreaty, «Capital jazz band» stýdııasynyń jetekshi jeke oryndaýshysy, Voice-Art vokaldyq stýdııasynyń jetekshisi jáne pedagogy.
Qazylar alqasynyń músheleri ár toptan «Karaoke-2017 chempıony» ataǵyna laıyq jeńimpazdy anyqtaıdy. Kóp ball jınaǵan Chempıon Astana qalasy ákimi kýbogynyń ıegeri atanady.
24 maýsym kúni ekinshi irikteý kezeńi ótedi. Al karaoke boıynsha 2017 jylǵy «Bári de án salady!» chempıonatynyń jeńimpazdaryn biz Astana kúni qarsańynda - 5 jáne 6 maýsym kúnderi biletin bolamyz.
