Astanada júıeli túrde para alyp keldi degen kúdikpen kedenshi ustaldy

ASTANA. QazAqparat - «Astana - jańa qala» erkin ekonomıkalyq aımaǵy» keden beketiniń jetekshi mamany para aldy degen kúdikpen ustaldy, dep habarlaıdy QazAqparat Astana qalasy boıynsha memlekettik kirister departamentiniń baspasóz qyzmeti silteme jasap.

Kúdikti 7 qyrkúıek kúni ustalǵan. «Ol syrtqy ekonomıkalyq qyzmet qatysýshylarynan ákimshilik jaýapqa tartpaý jáne jalpy qamqorlyq jasaý úshin júıeli túrde aqshalaı syıaqy alyp kelgen», - delingen habarlamada.

QR Qylmystyq kodeksiniń 366-baby, 1-bóligine sáıkes, qylmystyq is qozǵaldy.