Astanada jurtqa nesıe aldyryp aqshany ıemdenip ketetin alaıaq ustaldy
ASTANA. QazAqparat - Elordalyq polıtseıler iri kólemde alaıaqtyq jasaǵan kúdikti Aqtóbe turǵynyn ustady, dep habarlady Astana ІІD baspasóz qyzmeti.
Polıtsııaǵa Astana turǵyny onsha tanymaıtyn er adam 7 mln teńge aqshasyn aldap ıemdenip ketkeni týraly aryzdanǵan. Sondaı-aq, tanysy aldaý arqyly 1 500 000 teńge aqshasyn ıelengeni týraly taǵy bir turǵyn shaǵym túsirdi.
Boıjetken óz atyna taýar nesıesin resimdegen. Taýardy ustalǵan adamǵa berip jibergen. Ol jábirlenýshini kredıtti ózi jabatynyna sendirgen. Osyndaı ótinishpen 35 jastaǵy jergilikti turǵyn júgindi, alaıaq onyń senimine kirip, aldaý arqyly onyń 300 000 teńgelik jeke múlkin ıelengen.
Áıelderge ol ózin «Akram» dep tanystyrǵan. Bul faktiler alaıaqtyq baby boıynsha Biryńǵaı sotaldy tergeý tizilimine tirkeldi. Jedel izdeý sharalary barysynda Esil aýdany ІІB krımınaldyq polıtsııa qyzmetkerleri buryn sottalǵan 25 jastaǵy Aqtóbe turǵynyn ustady.
Qazir kúdikti ÝUI-ǵa qamaldy. Sotaldy tergeý júrip jatyr. Polıtseıler kúdiktiniń zańǵa qaıshy áreketterinen zardap shekkender bolsa, 8 (7172) 71-65-50, 8-701-701-19-05 telefondary boıynsha habarlasýdy suraıdy.
