Astanada jýrnalıster arasynda shaǵyn fýtboldan respýblıkalyq týrnır ótedi
ASTANA. QazAqparat - Erteń Qazaqstan Jýrnalıster odaǵy Astana qalalyq fılıalynyń uıymdastyrýymen respýblıkalyq Baspasóz kúni qarsańynda elordalyq maıdanger, jazýshy-jýrnalıst Ásken Nábıevti eske alý qurmetine arnalǵan jýrnalıster arasynda shaǵyn fýtboldan birinshi respýblıkalyq jarys bastalady.
Jarystyń maqsaty - BAQ ókilderi arasynda salaýatty ómir saltyn nasıhattaı otyryp, Uly Otan soǵysyna qatysqan qart maıdanger jýrnalıstiń erlik isterine taǵzym etý. Uıymdastyrýshylardyń habarlaýynsha, dúbirli dodaǵa 9 komanda qatysady. Atap aıtqanda, jasyl alańda «Qazkontent» AQ, «Habar Astana», «Egemen Qazaqstan», Qazaq radıosy, «QazAqparat», «Qazaqstan» arnasy, «Qazsport», «Habar Almaty», «Jýrnalıster úıi» komandalary baq synaıdy.
