Astanada jýrnalıster arasynda shaǵyn fýtboldan match ótkizildi
ASTANA. Maýsymnyń 23-i. QazAqparat /Janna Qorqytova/ - Búgin, jýrnalısterdiń kásibı merekesi qarsańynda elordamyzdyń «Astana» stadıonynda qalalyq BAQ ókilderi arasynda pýblıtsıst Ramazan Ahmetovty eske alýǵa arnalǵan shaǵyn fýtboldan match bolyp ótti.
«Nur Otan» HDP AQF Qazaqstan jýrnalısteri qaýymdastyǵymen birlese uıymdastyrǵan atalmysh jarysqa 9 komanda qatysty.
Saıys nátıjesi boıynsha, jeńimpaz kýbogyn, dıplom men qarjylaı syılyqty Qazaq radıosynyń ujymy qanjyǵalaryna baılasa, ekinshi oryn úshin kýbok, maqtaý gramotasy men aqshalaı syıaqyny «Nur Astana» gazetiniń ujymy ıelendi, al úshinshi oryndy «Astana aqshamy» gazetiniń ujymy mise tutty.
