Astanada jýrnalıster arasynda sybaılas jemqorlyqqa qarsy kúres týraly úzdik jarııalanymǵa konkýrs bastaldy
ASTANA. KAZINFORM - Astanada jýrnalıster arasynda sybaılas jemqorlyqqa qarsy kúreske arnalǵan úzdik jumystarǵa konkýrs bastaldy, dep habarlaıdy elorda ákimdiginiń resmı saıty.
Astana qalasynyń Іshki saıasat basqarmasy men Sybaılas jemqorlyqqa qarsy is-qımyl agenttiginiń departamenti jáne Qaraǵandy oblysynyń balalar men jastar uıymy birlesip, 2024 jyldyń 8 qarashasynan bastap jýrnalıster arasynda sybaılas jemqorlyqqa tózbeýshilik taqyrybynda úzdik jumystar baıqaýyn ótkizedi.
Baıqaýdyń maqsaty – qoǵamda sybaılas jemqorlyqqa qarsy kózqarasty qalyptastyrý jáne osy máselelerdi ashyp kórsetetin jýrnalısterdi qoldaý.
2024 jyly jaryq kórgen eńbekterdiń avtorlary bolyp sanalatyn Astana qalasynyń jýrnalısteri baıqaýǵa qatysa alady. Ótinimder 2024 jyldyń 7-30 qarasha aralyǵynda qabyldanady. Jumystar ózektilik, tereńdik, jańashyldyq jáne qoljetimdilik sııaqty krıterııler boıynsha baǵalanady.
Jeńimpazdar arnaıy saltanatty rásimde aqshalaı syılyqtarmen marapattalady: 1-orynǵa – 150 000 teńge, 2-orynǵa – 100 000 teńge jáne 3-orynǵa – 50 000 teńge.
Ótinim berý úshin ózińiz týraly aqparat pen materıaldaryńyzdyń siltemesin myna elektrondy poshtaǵa jiberý qajet: astana.konkurs2024@mail.ru.
