Astanada júrgizýshilerdiń mas kúıinde kólik júrgizý oqıǵalary azaıar emes- qalalyq sot
Іs-sharaǵa Qazaqstan Respýblıkasy Joǵarǵy Sotynyń mamandandyrylǵan sot alqasynyń tóraǵasy A.Qydyrbaeva, Astana qalasy sotynyń tóraǵasy T.Bárpibaev, elordalyq sot alqalarynyń tóraǵalary, sýdıalary, keńse basshysy, aýdandyq jáne oǵan teńestirilgen sottardyń tóraǵalary men sýdıalary qatysty.
Keńeıtilgen keńestiń jumysyn T.Bárpibaev ashty. Ol elorda sottary jumysynyń negizgi qorytyndylaryn, atap aıtqanda, sot tóreligin júzege asyrý, is-qaǵazdaryn júrgizýdiń jaı-kúıi, BAQ-pen ózara is-qımyl, materıaldyq-tehnıkalyq jáne kadrlyq qamtamasyz etý, sybaılas jemqorlyqpen kúres jáne t.b. baǵyttar boıynsha atqarylǵan jumystar týraly baıandady.
Astana qalasy sottarynyń 2015 jyly qylmystyq, azamattyq jáne ákimshilik isterdi qaraý qorytyndylary týraly apellıatsııalyq sot alqalarynyń tóraǵalary B.Estaı men A.Kenjeǵarın baıandama jasady. Olar birinshi jáne apellıatsııalyq satylardaǵy sottardyń sot tóreligin júzege asyrýdyń sandyq jáne sapalyq kórsetkishteri týraly málimdedi.
Otyrysta aıtylǵan statıstıkaǵa sáıkes birinshi satyly sottar qaraǵan azamattyq isterdiń sany 47 449 isti quraıdy, bul kórsetkish 2014 jyldyń sáıkes kezeńimen salystyrǵanda 6 352 birlikke kóbeıgen. Azamattyq isterdi qaraý júktemesine sáıkes Almaty aýdandyq sotynyń qaraǵan isteri barlyq qala boıynsha isterdiń 24%-yn quraıdy. 34 614 ákimshilik quqyq buzýshylyqtar boıynsha ister ishinen beleń alyp turǵandary júrgizýshiniń alkogol nemese esirtkimen mas kúıinde kólik quralyn júrgizýi men usaq buzaqylyqtar bolyp otyr. 2015 jyly qalalyq sottar barlyǵy 3 332 qylmystyq isti qarady. 2 315 sottalǵandar arasynan naqty bas bostandyǵynan 26,2%-ǵa aıyrylyp, jazalaý tájirıbesi 8,6%-ǵa azaıǵan.
Qazaqstan Respýblıkasy Joǵarǵy Sotynyń mamandandyrylǵan sot alqasynyń tóraǵasy A. Qydyrbaeva óz sózinde ınvestıtsııalyq sot sýdıalardyń neǵurlym mamandanýyn jáne ekonomıkalyq sıpattaǵy isterdi qaraýda kásibı sheberligin qamtamasyz etedi. Ádil sot júıesi men turaqty zańnama - ınvestıtsııalyq ahýaldyń negizgi jaǵymdy tusy bolyp tabylatynyn atap ótti.
2015 jyldyń qorytyndylaryn túıindeı kele, qalalyq sottyń tóaraǵasy: «Jalpy alǵanda, ótken jylda elordalyq sottardaǵy sot tóreligin júzege asyrýdyń qorytyndylary sapany jaqsartý jáne isterdi qaraý merzimderin saqtaý úrdisteriniń saqtalýymen sıpattalady. Buǵan sońǵy eki jyl kóleminde sottar qyzmetin zańnamalyq, kadrlyq jáne materıaldyq-tehnıkalyq qamtamasyz etý boıynsha qabyldanǵan is-sharalar yqpal etti», - dedi.
Budan ári T.Bárpibaev keńeske qatysýshylardy Memleket basshysynyń «Ult jospary - qazaqstandyq armanǵa bastaıtyn jol» atty maqalasynda aıtylǵan, sot júıesinde júrgizilip jatqan reformalar týraly habardar etti. «Osy sharalardy iske asyrý sottardyń jumys tıimdiligin aıtarlyqtaı arttyryp, kásibı ári qoljetimdi, ádil de táýelsiz bolýyna múmkindik beredi», - dep atap ótti sot tóraǵasy.
Keńes qorytyndysy boıynsha elorda sottary jumysynyń ózekti máselelerine qatysty pikir almasý órbidi. Sot tóreligin júzege asyrý sapasyn jaqsartý, sýdıalar men keńse qyzmetkerleriniń kásibı deńgeıin arttyrý, sýdıalyqqa úmitkerlermen kadrlyq jumysty kúsheıtý, sottardyń ashyqtyǵyn qamtamasyz etý baǵytynda atqarylatyn jumystar boıynsha birqatar negizgi máseleler aıqyndaldy, dep habarlaıdy Astana qalalyq sotynyń baspasóz qyzmeti.