Astanada júrgizýshiler avtobýsty mas kúıinde basqarǵan
ASTANA. 30 mamyr. QazAqparat - Astanada jol polıtsııasy qyzmetkerleri «Avtobýs» shuǵyl-aldyn alý is-sharasynyń eki kúninde jol qozǵalysy erejesin buzýdyń 70-ten astam faktisin anyqtady.
Bul týraly qalalyq ІІD JPB-niń baspasóz qyzmetinen habarlady.
Buzýshylyqtar tehnıkalyq aqaýlyqqa, aýaǵa quramynda zııandy zattary bar gaz ben tútin mólsherin shamadan tys shyǵarýǵa, qaýipsizdik beldigin taqpaýǵa, jol boıyn lastaýǵa qatysty boldy. Sondaı-aq avtobýsty mas kúıinde aıdaǵany úshin eki júrgizýshi ustaldy.
Eske salaıyq, «Avtobýs» shuǵyl-aldyn alý is-sharasy Astanada 28-31 mamyr aralyǵynda jol boıyndaǵy apatty jaǵdaılardyń aldyn alý men avtobýs júrgizýshileriniń kólikti júrgizý erejesin múltiksiz saqtaýyna baqylaý jasaý maqsatynda ótkizilýde.
astana.kz saıtynyń jazýynsha, jyl basynan beri elordada avtobýstardyń qatysýymen 17 jol-kólik oqıǵasy tirkelgen. Olardyń arasynda 12 JKO avtobýs júrgizýshileriniń kinásinen bolyp, nátıjesinde 26 adam túrli deńgeıdegi aýyr jaraqattar aldy.
