Astanada júrgizýshi kelinshek mashınasyn joldyń qarsy betindegi kólikke soqty
ASTANA. QazAqparat - Seıfýllın kóshesiniń bas jaǵyna baǵyt alǵan aq tústi «Mersedes» markaly kólikti joldyń qarsy betine shyǵyp ketken mashına kelip soqty. Bul týraly oqıǵa ornynda bolǵan QazAqparat tilshisi habarlady.
Qazir oqıǵa ornyna jedel járdem men polıtsııa kelip jetti. Medıtsına qyzmetkerleri qarsy betke shyǵyp ketken «Mıtsýbıtsı Karızma» kóliginiń salonynda bolǵan jolaýshyǵa kómek kórsetýde. Jol apatynan osy azamat qana jaraqat alǵan. Al qalǵan eki júrgizýshi zardap shekpegen.
Oqıǵa kýágerleriniń aıtýynsha, qyzyl tústi «Mıtsýbıtsı» rólinde áıel adam otyrǵan. Kýágerler «kelinshektiń mas bolǵanyn baıqadyq» dep sendirýde.
Qazir polıtsııa qyzmetkerleri jol apatynyń sebepterin anyqtaý úshin tekserý is-sharalaryn qolǵa alǵan. Al olar jol-kólik oqıǵasynyń sebepteri men oǵan qatysty tolyqqandy aqparat osy is-sharalardyń qorytyndysy boıynsha beriletindigin málim etti.
