Astanada júrgizilgen «Zańsyz kelýshi-2014» sharasy barysynda 15 sheteldik elden shyǵaryldy
ASTANA. QazAqparat - 22-26 qyrkúıek aralyǵynda elorda aýmaǵynda «Zańsyz kelýshi-2014» respýblıkalyq jedel aldyn alý sharasy júrgizilýde.
«Zańsyz kelýshi-2014» jedel-aldyn alý sharasynyń alǵashqy kúniniń nátıjesi boıynsha ákimshilik jaýapkershilikke QR ÁQK 394-baby boıynsha Qazaqstanda bolý erejelerin buzǵany úshin 192 sheteldik azamat tartyldy. QR-dyń 34 azamaty kóshi-qon zańnamasyn buzǵandardy qabyldaǵan tarap retinde jaýapkershilikke tartyldy. Sheteldik jumys kúshin zańsyz paıdalanýdyń 15 faktisi anyqtaldy. Astana qalasynyń ІІD qabyldaý-bólý mekemesine jeke basyn anyqtaý úshin 32 adam qamaldy, elden 15 sheteldik shyǵaryldy», - delingen habarlamada. 104 sheteldiktiń Qazaqstan Respýblıkasyna ýaqytsha kelý merzimi qysqartyldy. QR QK 330-babynyń 1-tarmaǵy boıynsha QR memlekettik shekarasynan qujattarsyz jáne tıisti ruqsatsyz ótkeni úshin eki qylmystyq is qozǵaldy.
