Astanada jumyssyzdyq joq dese de bolady - ákim Á. Jaqsybekov

ASTANA. QazAqparat - «Nur Otan» saıası partııasynyń kezekten tys XVII sezinde Astana ákimi Ádilbek Jaqsybekov elordada jumyssyzdar joq ekenin aıtty.

«Astana jalpyǵa ortaq eńbek qalasyna aınaldy. Bul qalada joǵary bilikti kadrlar jumys istep jatyr, myńdaǵan jumys oryndary ashyldy. Shyntýaıtyna kelgende, elordada jumyssyzdyq joq dese de bolady. Jumyssyzdar sany 2 myńǵa jeter-jetpes deńgeıde, bul - bir mıllıonǵa jýyqtap qalǵan qaladaǵy kórsetkish. Al bos jumys oryndarynyń sany áldeqaıda kóp», - dep atap ótti ákim.

Onyń ústine qala basshysynyń sózi boıynsha, jumyssyz 2 myń adam qazirgi ýaqytta qaıta oqytylyp, qoǵamdyq jumystarǵa ornalastyrylýda.