Astanada jumyssyzdyq deńgeıi tómendedi

ASTANA. 15 qazan. QazAqparat - Astanada 2012 jyldyń ekinshi toqsanynda jumyssyzdyq deńgeıi 5,7 paıyzdy qurady. Jumyssyzdar sany - 23,5 myń adam. Salystyrý maqsatynda, 2010 jyldyń paıyzdyq kórsetkishi 6,2 bolsa, 2011 jyly - 5,8. Bul jaıynda elordanyń resmı saıtynda jarııalanyp otyr.

Bıylǵy jyldyń 1 qazanynda elordada 18 jekemenshik jumyspen qamtý ortalyǵy tirkelgen. Jumys izdeýshiler sany - 4 179, olardyń ishinde 35,1 paıyz, ıaǵnı 1 469 adam jumysqa ornalasty.

Astana qalasynyń Jumyspen qamtý jáne áleýmettik baǵdarlamalar basqarma basshysynyń orynbasary Oljas Omarovtyń málimetinshe, bıyl 9 aıdyń ishinde Jumyspen qamtý basqarmasyna 10 000 adam kelgen. «Olardyń 60 paıyz - 30-ǵa tolmaǵan jas adamdar. Sóıtip, biz 1 700 adamdy kásibı daıyndyq kýrstaryna, qaıta daıyndalýǵa jáne biliktiligin arttyrý kýrstaryna attandyrdyq, 670 túlek daǵdylandyrylýǵa, 330 adam áleýmettik jumystarǵa, 2 800 adam qarjylandyrylatyn qoǵamdyq jumystarǵa jiberildi, taǵy 3000 maman turaqty jumys ornyn tapty», - deıdi basqarma ókili.