Astanada jumysshy 5 metr bıiktikten tóbe jabynymen birge qulady
ASTANA. 11 jeltoqsan. QazAqparat - Senbi kúni Astana qalasyndaǵy Esil aýdanynda salynyp jatqan «Nıssan ortalyq» nysanynda avtokranǵa ilinip turǵyn tóbe jabynynyń armatýrasyn kesý kezinde sym úzilip ketti, dep habarlady QR TJM.
Oqıǵa saldarynan tóbe jabynymen birge 5 metr bıiktikten qulaǵan «Bekjol NS» JShS-yń 39 jastaǵy jumysshysy oqıǵa ornynda mert boldy.
Sol kúni Jambyl oblysynyń Jýaly aýdanynda «Jolqurylys-K» AQ beton zaýytynda 37 jáne 26 jastaǵy eki jumysshy beton aralastyrǵyshty tazalap jatqan kezde operator beton aralastyrǵyshty iske qosqan. Oqıǵa saldarynan eki jumysshy da sol jerde qazaǵa ushyrady.
