Astanada jumyspen qamtý ortalyǵy 150-den astam uıymmen nıet hattamasyn jasasty
«Elordadaǵy qaýipsizdik jáne jaılylyq» jobasy boıynsha keshendi jospary aıasynda halyqtyń áleýmettik osal toptaryn jumysqa ornalastyrýǵa kómek kórsetiledi. Jobany QR Bas prokýratýrasy jáne Astana qalasynyń ákimdigi bekitti.
Osyǵan baılanysty Astananyń Halyqty jumyspen qamtý ortalyǵy qyzmetkerleriniń sany 50 adamnan asatyn 150-den astam uıymmen nıet hattamasyn jasasty. Búgingi kúnde 947 uıymnyń ishinen 518-i kvotany oryndaý týraly habarlama aldy.
Eske salaıyq, jańa erejege sáıkes, elordalyq jumys berýshilerge qyzmetkerler sanyna baılanysty múmkindigi shekteýli adamdarǵa arnalǵan jumys oryndaryna kvota, probatsııa qyzmetiniń esebinde turǵan, bas bostandyǵynan aıyrý oryndarynan bosaǵan, sonymen qatar kámelettik jasqa tolmaı ata-anasynan aıyrylǵan nemese ata-anasynyń qamqorlyǵynsyz qalǵan jastar qataryndaǵy bilim berý uıymdarynyń túlekteri bolyp tabylatyn azamattardy jumysqa ornalastyrý úshin kvotalar bekitilgen.
Aıta keteıik, jyl basynan beri Astananyń Halyqty jumyspen qamtý ortalyǵymen múmkindigi shekteýli 20 adam jumysqa ornalastyryldy jáne taǵy 126-sy qoǵamdyq jumysqa jiberildi.
