Astanada jumysqa ornalasý boıynsha «JOLTAP» jobasy iske qosylady
Joba ákimdikte ótken keńeste tanystyryldy. Oǵan saýda, qoǵamdyq tamaqtaný, qurylys, kólik, qyzmet kórsetý salalaryndaǵy 100-ge jýyq kásipker, birqatar salalyq qaýymdastyqtar men birlestikterdiń ókilderi qatysty.
«JOLTAP» jobasy Memleket basshysynyń tapsyrmalaryn oryndaý aıasynda júzege asyrylýda, Jobanyń birlesken operatory - «Barshaǵa múmkindik» qoǵamdyq qory.
Joba maqsaty – muqtaj azamattardyń ómirlik jaǵdaıyn anyqtaý jáne qamtý. Buǵan adamdar kóp jınalatyn oryndarda «Barshaǵa múmkindik» dep atalatyn modýldik pýnkterdi ornalastyrý esebinen qol jetkiziletin bolady. Ótinish berýshilerge mindetti túrde tabysyn arttyrý úshin memlekettik jáne qosymsha qoldaý sharalary usynylady.
Astana ákimi Jeńis Qasymbektiń aıtýynsha, jobanyń ıdeıasy qala turǵyndarynyń tabysyn arttyrý jáne áleýmettik ál-aýqatyn jaqsartý boıynsha múmkindikter spektrin usyný, sondaı-aq biregeı derekter bazasyn qurý jáne jumysqa ornalastyrýda proaktıvti tásil qoldaný.
Osy maqsatta barlyq mańyzdy jumys oryndary qamtylǵan biryńǵaı Telegram-arna sekildi quraldar qosymsha iske qosylady, sala kóshbasshylarynyń talaptary men standarttary boıynsha qysqa merzimdi oqytý, sondaı-aq tsıfrlyq daǵdylardy (frılansqa arnalǵan mamandyqtar) tegin oqytý uıymdastyrylady.
Osy quraldardy tıimdi iske asyrý úshin kezdesýde qalanyń negizgi jumys berýshileri retinde bıznestiń jobaǵa qatysý máselesi talqylandy. Bıznes ókilderi jobany iske asyrýdy qoldap, kadrlardy izdeý men daıarlaýdyń túıtkildi problemasyna baılanysty qosymsha sharalardyń ózektiligin erekshe atap ótti.
Yntymaqtastyq týraly memorandýmǵa ákimdik, «Barshaǵa múmkindik», «Magnum», «Technodom», «Táp-tátti» sııaqty salalardyń kóshbasshylary qol qoıdy.
