Astanada jumys kestesiniń ózgerýi: qaı mekemelerge áser etedi

ASTANA. KAZINFORM — Astanada birneshe uıym 15 qyrkúıekten bastap jańa jumys kestesi boıynsha jumys isteıtin bolady. Bul sheshim joldarda keptelisti azaıtý maqsatynda qabyldanyp otyr. 

Qala ákimdiginiń málimetinshe ózgerister qala ortalyǵynda ornalasqan memlekettik jáne jartylaı memlekettik qurylymdarǵa qatysty bolady.

— 15 qyrkúıekten bastap qalalyq kommýnaldyq qyzmetterdiń jumys kúni tańǵy 7:30–da bastalady, Astana ákimdiginiń qyzmeti — 7:30, keıbir memlekettik organdar men jartylaı memlekettik kompanııalar — 7:30–8:00 aralyǵynda bastaıdy. Jumys ýaqytynyń aıaqtalý saǵaty da sáıkesinshe ózgertiledi.

Jeke sektor, bıznes, mektepter, balabaqshalar, aýrýhanalar, emhanalar, HQO jáne basqa áleýmettik nysandardyń jumys kestesi ózgermeıdi.

Aıta keteıik, keıbir mınıstrlikter men memlekettik organdardyń jumys kúni burynnan 8:00–de bastalady, — delingen ákimdik habarlamasynda.

Bul sharalar negizgi magıstraldardaǵy tańǵy jáne keshki saǵattardaǵy kólik aǵynyn azaıtýǵa baǵyttalǵan.

Sonymen qatar, jol qozǵalysyn qıyndatatyn avtokólikterdiń turaq erejesin buzýy qatań baqylaýǵa alynady: quqyqbuzýshylardyń avtokólikteri aıyp turaǵyna evakýatsııalanady.

Eske sala keteıik, Astanada qoǵamdyq kólikti damytý jumysy jalǵasyp jatyr: jańa jyldam jol korıdorlary men marshrýttar ashylýda, jańa avtobýstar shyǵarylady, sonymen qatar jol salý jáne jóndeý jumysy júrgizilip jatyr. Osy sharalardyń bári keshendi túrde joldardaǵy keptelisti tańǵy jáne keshki ýaqyttarda azaıtýǵa múmkindik beredi.

Aıta ketelik Almaty oblysynda memlekettik mekemeler úshin jumys ýaqyty ózgerdi.