Astanada Jumeken Nájimedenovtiń 80 jyldyǵyna arnalǵan kesh ótedi
ASTANA. QazAqparat - 14 jeltoqsanda saǵat 11.00-de Ulttyq akademııalyq kitaphanada HH ǵasyrdyń asa talantty perzenti, qazaqtyń kórnekti aqyny, Qazaqstan Respýblıkasy memlekettik syılyǵynyń ıegeri, Qazaqstan Respýblıkasy ánurany mátininiń avtory Jumeken Nájimedenovtiń 80 jyldyq mereıtoıyna oraı «Táýelsiz eldiń jyr juldyzy - Jumeken» atty kesh ótedi.
Keshti Astana qalalyq Tilderdi damytý basqarmasy uıymdastyrady.
Sharanyń maqsaty - avtordyń ómiri men shyǵarmalary arqyly jastardyń ultjandylyq sezimin oıatý, elin, jerin, týǵan tilin súıý - Otan aldyndaǵy qasıetti boryshtary ekendigin uǵyndyrý. Kóptegen shyǵarmalaryn, ánderi men kúılerin nasıhattaý, dep habarlaıdy «Ádebıet portaly»
Kesh barysynda Jumeken Nájimedenov týraly estelikter aıtylyp, avtordyń shyǵarmalary jáne ol kisi súıip tyńdaǵan ánder men kúıler oryndalady.
Keshke Qazaqstan Respýblıkasy Senatynyń depýtattary, zııaly qaýym ókilderi men aqynnyń jary Násip Mustahqyzy jáne urpaqtary qatysady.
