Astanada Jumabek Táshenovtiń 100 jyldyǵyna arnalǵan kórme ótýde
ASTANA. QazAqparat - Elordadaǵy Táýelsizdik saraıynda kórnekti memleket jáne qoǵam qaıratkeri Jumabek Ahmetuly Táshenovtiń 100 jyldyǵyna arnalǵan kórme ótip jatyr, dep habarlaıdy elorda ákimdiginiń baspasóz qyzmetinen.
Atalmysh is-shara Astana qalasy Mádenıet basqarmasynyń qoldaýymen uıymdastyryldy. Ekpozıtsııaǵa eline eren eńbegi sińgen qaıratker J.Táshenovtiń jeke zattary - fotosýretteri, qoljazbalary, kitaptary, jeke kýálikteri, fotoapparaty jáne t.b. qoıyldy.
Іs-sharanyń maqsaty elimizdiń aıtýly azamattarynyń eńbekterin bolashaq urpaqtyń sanasyna sińirý bolyp tabylady.
Qazaq KSR Joǵarǵy Keńesi tóralqasynyń tóraǵasy, keıin Mınıstrler Keńesiniń tóraǵasy qyzmetterinde bolǵan Jumabek Táshenov Qazaqstan aýmaǵynyń tutastyǵyn saqtaýǵa zor úlesin qosyp, elimizdiń ekonomıkalyq jáne óndiristik jobalarynyń qarjylandyrylýyna atsalysty. Astanada qoǵam qaıratkeri J.Táshenovtiń esimi berilgen kóshe bar.
Kórme jumysy 25 naýryzǵa deıin jalǵasady. Kirý - tegin.
