Astanada Jumabaev dańǵylynyń ýchaskesi jóndeý jumysyna baılanysty jabylady
ASTANA. KAZINFORM – Astana qalasynyń Kólik jáne jol-kólik ınfraqurylymyn damytý basqarmasy R. Qoshqarbaev dańǵylynan Balqantaý kóshesine deıingi ýchaskede M.Jumabaev dańǵylyna ortasha jóndeý júrgizedi.
Osyǵan baılanysty, bıyl 29 sáýir men 5 mamyr aralyǵynda atalǵan ýchaskede qozǵalys ishinara jabylatyn bolady. Osy ýaqytta kólik qozǵalysy eki baǵytta bir jaǵynan kezeń-kezeńimen uıymdastyrylady.
— Júrgizýshiler men jaıaý júrginshiler qozǵalys baǵytyn aldyn ala josparlaýy jáne yqtımal ózgeristerdi eskerýi qajet. Qaýipsizdikti qamtamasyz etý jáne qolaısyzdyqty azaıtý úshin ýaqytsha jol belgileri men kórsetkishter ornatylatyn bolady, — delingen Astana qalasy ákimdigi taratqan habarlamada.
Aıta ketelik Astanada jol jóndeý jumystaryna baılanysty qandaı kósheler jabylatynyn jazǵan edik.