Astanada «Juldyzdy ańyz-ertegiler» saıtynyń tusaýkeseri ótti
Saıtty ázirleýshilerdiń aıtýynsha, www.ertegiler.kz saıty - elimizdiń óner sheberleriniń qatysýymen daıyndalǵan qazaqtyń halyq ertegileri men ańyzdarynyń biregeı aýdıo-nusqasynan turady. «Bul joba Jańa jyl aldyndaǵy jas óskinderge syıymyz. Saıtta 12 ertegi men ańyz bar. Jyl aıaǵyna deıin sonshasy shyǵady. Itunes úshin podkast daıyn. Mobıldik qosymshasy 2015 jyldyń qańtarynan bastap iske qosylady», - dep atap ótti «Aray Media Group» JShS dırektory Qýat Saǵyntaev.
Joba «Nur Otan» partııasynyń «Balalyq shaq» atty baǵdarlamasynyń aıasynda jaryq kórdi. Sonymen qatar bastamaǵa «Altyn Kyran» halyqaralyq qaıyrymdylyq qory» qoldaý bildirdi. Tanymal akterler, telejúrgizýshiler, ánshiler, kompozıtorlar, ázilkeshter, dırıjerlar men aıtyskerler jobaǵa rııasyz túrde yqylas qoıyp, ózderi bala kezderinde ata-analary, ata-ájelerinen estigen ertegilik oqıǵalardy jańa úrdiske sáıkes dybystady. «Bizdiń zamanamyzda mundaı jobalar paıdaly jáne kókeıkesti. Qaı halyqtyń bolmasyn rýhanı murasy halyqtyq ertegilerden bastaý alady. Al olardy saqtap jáne keıingi urpaqqa jetkizý, mine, osyndaı jobalardyń mindeti», - dedi tanymal ánshi Janar Doǵalova. Saıtqa kirip, qoldanýshy erteginiń ataýyn, onyń tanymal oryndaýshysyn kóredi jáne onlaın rejıminde tyńdaı alady nemese súıikti ertegiler shoǵyry úshin júktep alý múmkindigine ıe. Sonymen qatar ertegiler qazaq ulttyq aspaptarynyń súıemeldenýinde oryndalyp, ortasha alǵanda bes mınýtqa deıin sozylady. Mýzykalardy jazý barysynda ár alýan stılderdiń áýenderi paıdalanyldy. Óz kezeginde, juldyzdar bul jobaǵa qatysýdyń ózderi úshin baǵa jetpes shyǵarmashylyq tájirıbe bolǵanyn atap ótti. Jobaǵa telejúrgizýshiler - Láılá Sultan men Nurlan Qoıanbaev, ánshi Qaraqat Ábildına, mýzykant Álı Oqapov, akter Nurlan Álimjanov jáne t.b. qatysty. Aıta keteıik, «Nur Otan» partııasynyń «Baqytty balalyq» jobasy jetim balalar men ata-ana qamqorlyǵynsyz qalǵan balalardyń áleýmettik beıimdelýi úshin qolaıly jaǵdaı jasaýǵa baǵyttalǵan.
