Astanada «Juldyzaı» festıvaliniń jeńimpazdary anyqtaldy
ASTANA. 2 maýsym. QazAqparat - Búgin Astanadaǵy Beıbitshilik jáne kelisim saraıynda VIII Respýblıkalyq «Juldyzaı - 2013» atty múmkindigi shekteýli balalardyń shyǵarmashylyq festıvaliniń gala- kontserti ótti. Saltanatty shara barysynda bıylǵy festıvaldiń jeńimpazdary marapattaldy.
Ádil qazylar alqasynyń sheshimine sáıkes, «Shahmat» atalymynda Erlan Nurhaev (Oral) úzdik atansa, «Kórkem sýrette» - Arman Dúısenbın (Taldyqorǵan, eresekter toby), ıÝlııa Sokolova (Petropavl, orta top) jáne Ksenııa Soloveva (Pavlodar, kishi top), «Kórkemsóz sheberi» - Ekaterına Semenıstaıa (eresekter toby) jáne Arman Dúısenǵulov (kishi top), «Aspapta oryndaýda» - Vladıslav Rýdakov (Almaty), «Vokalda» - Kenjebek Nurdolda, Gúlnáz Eleýsizova, Elvıra Islamǵalıeva jáne Ádil Oralbaev (Qaraǵandy qalasynyń án toby) jáne Vlad Soıko (Astana, kishi top), «Ymmen án salý» atalymynda - Nurjan Baǵytov (Atyraý), «Bı ónerinde» «Pýls» (Petropavl) jáne «Raýan» (Qostanaı) toptary jeńimpaz atandy. Al VIII Respýblıkalyq «Juldyzaı - 2013» festıvaliniń bas júldesin Ońtústik Qazaqstan oblysynyń kishkentaı ánshileri - Nazıma Isahanova jáne Rysdáýlet Orynbek ıelendi.
Aıta keteıik, bıylǵy festıval aıasynda Astananyń jańa ortalyǵynda ymmen án aıtý boıynsha úlken flesh-mob uıymdastyryldy. Oǵan 700-den bala qatysty. Ondaı shara Qazaqstanda ǵana emes, álem boıynsha alǵash ret ótip otyr.
