Astanada júlde qory 400 myń AQSh dollaryn quraıtyn jedel shahmat pen blıtsten álem chempıonaty ótedi
ASTANA. 26 maýsym. QazAqparat - Astanada 2-10 shilde kúnderi «Dýman» qonaq úıinde jedel shahmat (rapıd) jáne blıts boıynsha álem chempıonaty ótedi. Júlde qory 400 myń AQSh dollaryn quramaq.
Bul týraly Qazaqstan Respýblıkasynyń shahmat federatsııasy habarlaıdy.
Astanadaǵy shahmat álemindegi aıtýly sharanyń bas týrnırine álemniń tanymal 16 grossmeıstrleri jınalady.
Baıraqty básekeniń ashylý saltanatyna memleket basshysy Nursultan Nazarbaev qatysady.
Jedel shahmat pen blıts - shahmat oıyndarynyń ishindegi eń emotsıonaldy jáne asa tartymdy túrine jatady. Astana kúni merekesin aıshyqtaıtyn shahmattyń osy túrleri beker tańdalmaǵan. Ári týrnır qatysýshylarynyń qaı-qaısysy da osal emes, jarys básekelestik rýhta ótedi dep kútilýde.
Týrnıge Magnýs Karlsen, Sergeı Karıakın, Borıs Gelfand, Veselın Topalov, Vasılıı Ivanchýk, Teımýr Radjabov, Aleksandr Grışýk jáne basqalar qatyspaq.
Qazaqstan namysyn rapıd boıynsha Murtas Qajǵalıev jáne Ánýar Іsmaǵambetov, blıts boıynsha Pavel Kotsýr jáne Rınat Jumabaev qorǵamaq.
Qala kúni qarsańynda ótetin shara uıymdastyrýshylary Astana qalasy ákimshiliginiń, QR Sport jáne dene shynyqtyrý isteri agenttigi, mádenıet jáne aqparat mınıstriligiń qoldaýymen Qazaqstan Respýblıkasynyń shahmat federatsııasy jáne FIDE halyqaralyq shahmat federatsııasy.
