Astanada júlde qory 100 myń dollar bolatyn QR Prezıdenti Kýbogyna tennıs týrnıri ótedi
ASTANA. QazAqparat - 27 shilde men 2 tamyz aralyǵynda Ulttyq tennıs ortalyǵynda úlken tennısten Challenger ATP jáne ITF Womens serııalary boıynsha «Prezıdent Kýbogy-2015» 23-shi halyqaralyq týrnıri ótedi.
Bul Qazaqstandaǵy kásibı tennıspen aınalysatyn erler men áıelderge arnalǵan eń bedeldi tennıs týrnırleriniń biri. Ol elimizde 1991 jyldan beri ótkizilip keledi.
Qazaqstan tennıs federatsııasynyń atqarýshy dırektory Dıas Dosqaraevtyń aıtýynsha, týrnırdiń erler arasyndaǵy júlde qory 75 myń dollardy, al áıelder arasyndaǵy saıystyń júlde qory 25 myń dollardy quraıdy. Jalpy júlde qory 100 myń dollar. «Týrnırge 20 shaqty elden kelgen sportshylar qatysady. Bizge Frantsııadan, Anglııadan, AQSh-tan myqty tennısshiler keldi. Árıne, týrnırge qatysýshylar reıtıng jınaı alady. Munda álemdik upaılar beriledi, erlerge ATR upaılar, áıelderge - WTA upaılary», - deıdi ol.
