Astanada júkti áıelderge arnalǵan aktsııa ótýde
ASTANA. Qańtardyń 22-si. QazAqparat /Quralaı Orynbekqyzy/ - Búgin elordanyń №1 qalalyq perzenthanasynda áıelderdiń nazaryn aýdarý maqsatynda mamandar júkti áıelderge arnap aktsııa ótkizýde,
dep habarlaıdy QazAqparat tilshisi.
«Halyq densaýlyǵy jáne densaýlyq saqtaý júıesi týraly» QR Kodeksiniń 90-shy babyna sáıkes 2009 jylǵy jeltoqsannyń 15-inen bastap Astana qalalyq Densaýlyq saqtaý basqarmasy, Salaýatty ómir saltyn qalyptastyrý ortalyǵy bala tabýǵa qabiletti jastaǵy áıelder arasynda júktilik bastalǵannan bastap 12-shi aptaǵa deıin tirkeýge alyný qajettigi jóninde aqparattyq naýqandy bastady. Kóptegen áıelder tipti bul týraly beıhabar. Al taǵy keıbireýleriniń nıeti bolǵanymen, tirkeýge turatyn ýaqyty bolmaýy múmkin», dedi Salaýatty ómir saltyn qalyptastyrý ortalyǵynyń dırektory Láılá Ismaǵambetova.
Sonymen qatar, dáriske qatysqan júkti áıelderge shaǵyn «áleýmettik sómke» tapsyrylady. Onyń ishinde gıgıenalyq qajetti zattar men aqparattyq materıaldar bar.
Atalmysh is-sharaǵa sondaı-aq Densaýlyq saqtaý mınıstrligi, Densaýlyq saqtaý basqarmasynyń ókilderi, qalalyq perzenthanalardyń bas dárigerleri men áıelder keńesteri meńgerýshileriniń orynbasarlary qatysýda.
