Astanada júk kóliginiń janarmaı bagy jarylyp, adamdar zardap shekti

ASTANA. KAZINFORM – Elordanyń Saryarqa aýdanyndaǵy Jarsýat kóshesinde úsh qabatty ákimshilik ǵımaratynyń birinshi qabatynda ornalasqan bokstan órt shyqty, dep habarlaıdy Kazinform QR Tótenshe jaǵdaılar mınıstrligine silteme jasap.

«Órt sóndirý bólimsheleri kelgenshe boks ǵımaratynda júk kóliginiń janarmaı bagy jarylyp, artynan órt shyqty. Órt kezinde bokstyń ishinde 3 júk kóligi bolǵan, órt sóndirýshiler eki kólikti órtten saqtap qaldy. Órt saldarynan úsh adam zardap shekti, olar jedel medıtsınalyq járdem qyzmetkerlerine jiberildi», - delingen vedomstvo habarlamasynda.

15 sharshy metr aýmaqta sharpyǵan órt sóndirildi.

Osyǵan deıin Astanada órtenip jatqan kólikten úsh bala qutqarylǵany týraly jazdyq.

Tótenshe jaǵdaılar mınıstrligi baspasóz qyzmetiniń málimetinshe, órt bastalǵan sátte kólikte úsh bala bolǵan. Olardy janynda turǵan kýáger alyp shyǵyp úlgergen.