Astanada júk kóligin tizgindegen 2500-den astam júrgizýshi jazalandy

ASTANA. KAZINFORM — Jyl basynan beri elordada 2500-den astam júk kóliginiń júrgizýshisi ákimshilik jaýapkershilikke tartylyp, 1000-nan astam memlekettik tirkeý nómiri tárkilendi. Bul týraly  Polisia.kz jazdy. 

Astanada júk kóliginiń júrgizýshisi qujatsyz júk tasymaldaǵany úshin jaýapkershilikke tartyldy.

«Kúıgenjar» beketinde polıtsııa qyzmetkerleri aldyńǵy memlekettik tirkeý nómiri joq «Shacman» júk kóligin tirkemesimen toqtatty. Alaıda júrgizýshi polıtsııa qyzmetkerleriniń zańdy talabyna baǵynbaı, qalaǵa qaraı qozǵalysyn jalǵastyrdy. Keıinnen kólik baǵdarshamda toqtatylyp, ustaldy. Tekserý barysynda 30 jastaǵy júrgizýshiniń tasymaldanatyn júkke ruqsat qujattarynyń joq ekeni anyqtaldy. 

Polıtsııa qyzmetkerleriniń zańdy talabyn oryndamaý jáne memlekettik tirkeý nómirlik belgilerinsiz kólik basqarý derekteri boıynsha ákimshilik hattamalar toltyryldy. Atalǵan quqyq buzýshylyqtar úshin júrgizýshi úsh táýlikke ýaqytsha ustaý ızolıatoryna qamalyp, 10 AEK mólsherinde aıyppul salyndy.

— Astana qalasynyń polıtsııa departamenti júrgizýshilerge jol qozǵalysy erejelerin jáne quqyq qorǵaý organdary qyzmetkerleriniń talaptaryn qatań saqtaýdyń mańyzdylyǵyn eske salady, — dep habarlady Polıtsııa departamentinen. 

Eske sala keteıik, buǵan deıin Almaty oblysynda eks-depýtat jalǵan qujat rásimdep, 474 mln teńge alǵan.