Astanada júk kóligi velosıped mingen balany qaǵyp ketti
ASTANA. KAZINFORM — Astanada júk kóligi kámeletke tolmaǵan velosıped minip ketip bara jatqan balany qaǵyp ketti. Oqıǵa saldarynan bala kóz jumdy.
Astana qalasy Polıtsııa departamentiniń málimetinshe, oqıǵa 26 mamyr kúni Táýelsizdik dańǵyly men Pýshkın kóshesiniń qıylysynda bolǵan.
— «Mercedes» markaly júk kóliginiń júrgizýshisi Táýelsizdik dańǵylymen kele jatyp, Pýshkın kóshesine ońǵa burylǵan kezde joldy kesip ótip bara jatqan velosıpedshini qaǵyp ketken. Jol apaty saldarynan kámeletke tolmaǵan bala alǵan jaraqatynan oqıǵa ornynda kóz jumdy, — dep habarlady Polıtsııa departamentiniń baspasóz qyzmeti.
Atalǵan derek boıynsha qylmystyq is qozǵaldy.
Kólik kommýnaldyq turaqqa qoıyldy.
Tergeý barysynda quqyq qorǵaý organdary oqıǵanyń mán-jaıyn anyqtap jatyr.
Polıtsııa júk jáne jeńil kólik júrgizýshilerin jyldamdyq rejımin saqtaýǵa shaqyrdy.
Sondaı-aq jaıaý júrginshiler ótkeli, turǵyn aýmaqtar, mektepter men aýlalar mańynda barynsha muqııat bolý qajettigin eskertti.
Vedomstvo ókilderi júrgizýshiler joldaǵy velosıpedshiler men jaıaý júrginshilerdiń baryn eskerýi tıis ekenin atap ótti.
Osyǵan deıin Pavlodarda jol apatynan eki adamnyń kóz jumǵany týraly jazdyq.
