Astanada júk kóligi balany qaǵyp ketti

ASTANA. KAZINFORM — Elordada balany kólik qaǵyp ketýi oqıǵasy boıynsha qylmystyq is qozǵaldy. Bul týraly qalalyq Polıtsııa departamenti habarlady.

— Beısekbaev kóshesimen kele jatqan júk kóliginiń júrgizýshisi Kenesary kóshesiniń qıylysynda burylý kezinde, baǵdarshamda belgilengen jolaqtan joldy kesip ótip bara jatqan kámeletke tolmaǵan jaıaý júrginshini qaǵyp ketkeni anyqtaldy. Jaıaý júrginshi baǵdarshamnyń ruqsat etilgen belgisi janǵan kezde ótip bara jatqan. Alǵan jaraqatynyń saldarynan jaıaý júrginshi oqıǵa ornynda kóz jumdy. Qazir tergeý amaldary júrip jatyr. Júrgizýshige qatysty bultartpaý sharasy tańdalady, — delingen Polıtsııa departamenti málimetinde.

Balany qaǵyp ketý faktisi boıynsha qylmystyq is qozǵaldy. Tergeý barysynda Alynǵan jaraqattar saldarynan jaıaý júrginshi oqıǵa ornynda kóz jumdy. Tergeý jumystary júrgizilip jatyr. Júrgizýshige qatysty bultartpaý sharasy tańdalýda.

Osy oqıǵa boıynsha Astananyń densaýlyq saqtaý basqarmasy oqıǵa ornyna jedel járdem qyzmetkerleri barǵanyn naqtylady. Tıisti kómekke qaramastan, bala kóz jumǵan.

Budan buryn habarlanǵandaı, aqpan aıynyń aıaǵynda Astanada órt sóndirý kóligi jeńil kólikpen soqtyǵysyp, bir adam qaza boldy.