Astanada jýyrda jelilik muz aıdyny ashylady

Elordalyq saıabaqta qys mezgili resmı túrde ashyldy. Ashylý qurmetine sahnada estrada juldyzdary óner kórsetti, al is-shara qonaqtarynyń arasynda sertıfıkattar men syılyqtar oınatyldy. Jýyrda atalmysh saıabaqta jelilik muz aıdyny ashylady, dep habarlaıdy Kazinform elorda ákimdiginiń resmı saıtyna silteme jasap. 

Qysqy demalys ornynda estelikti fotosýretter úshin ártúrli fotoaımaqtar ornatylǵan. Gırlıandtarmen bezendirilgen shyrshalar men qaraǵaılar saıabaqqa erekshe merekelik atmosfera syılap tur. Sonymen qatar mundaǵy keletin demalýshylarǵa arnap túrli tamaqtaný oryndary men tegin muz syrǵanaqtary ashyldy.

Sondaı-aq synap baǵanalary tómen temperatýraǵa túskennen keıin saıabaqta muz aıdynynyń sońǵy qabaty quıylady. Bul – elordadaǵy alǵashqy jáne eń uzyn jelilik muz aıdyny. Onyń uzyndyǵy – bir baǵytta 290 metr, al jalpy syrǵanaý jolynyń uzyndyǵy 580 metr bolmaq. Óz konkıleri bar kelýshiler úshin muz aıdynyna shyǵý tegin bolady. 

Saıabaqqa Turan dańǵyly (saǵat eskertkishiniń janynda) jaǵynan kirýge bolady.