Astanada Jubanııazovtar otbasynyń kórmesi ashyldy
ASTANA. QazAqparat - Elordadaǵy «QR Tuńǵysh Prezıdenti - Elbasy kitaphanasynda» sándik-qoldanbaly jáne sýret óneriniń sheberleri Jubanııazovtar otbasynyń «Dala áýeni» atty shyǵarmashylyq kórmesi ashyldy, dep habarlaıdy «QazAqparat»HAA tilshisi.
Jubanııazovtar Almaty sýretshileriniń arasyndaǵy tanymal otbasy. Alǵash ret áýlettiń kásibı shyǵarmashylyq jolyn Sýretshiler odaǵynyń múshesi Qýandyq Naýryzbaıuly men onyń zaıyby dástúrli qoldanbaly óner ıesi Kúlıpa Esimqyzy qalaǵan. Erli-zaıypty Qýandyq pen Kúlıma kórkemóner ýchılışesinde tanysyp, otbasyn qurǵan. 1970 jyly oqýlaryn támamdap, sodan beri sýret óneri úshin kúshterin sarp etken. Sol kezden bastap-aq ónerge qushtar sýretshiler qoldan jasalǵan gobelen toqymashylyǵynyń múmkindikterin zerttep, keskindeme salýmen shuǵyldanǵan. Qýandyq Naýryzbaıuly osydan 10 jyl buryn ómirden ótip ketken eken. Artynda qalǵan murasy búgin Elbasy kitaphanasyndaǵy kórmeniń kórkine aınaldy. Erli-zaıyptylardyń balalaryda áýlettiń ónerin jalǵastyryp, olardyń týyndylary sheteldik kórmelerge qoıylyp júr.
«Shetelde birneshemárte kórme ótkizdik. Qaı kórmege barsaq ta, ózimiz jasaǵan qazaqtyń kıizúıininiń shaǵyn maketin alyp júremiz. Joldasym óner dese ishken asyn jergeqoıatyn. Orys mektebin bitirse de, qazaqtyń qolóneri úshin aıanbaıtyn edi. Tvorchestvolyqjumystarmen birge qolónerde de birlesken týyndylarymyz jeterlik. Jubaıym tirisinde sýretshimin dep qana otyrmaıtyn. On saýsaǵynan bal tamǵan keremet ónerli adam edi. Ómirde de, ónerde birge boldyq. Italııa, Frantsııa, Meksıka, Danııa, Chehııa, Slovakııa elderindegi kórmelerge qatystyq», - deıdi Kúlıpa Esimqyzy.
Elbasy kitaphanasy dırektorynyń birinshi orynbasary Kúlaısha Aqtaevanyń aıtýynsha, sándik-qoldanbaly óner sheberleri Jubanııazovtar otbasynyń kórmesiiń oryny erekshe.
«Jubanııazovtardyń týyndylary atadan balaǵa mura bolyp jalǵasyntaýyp kele jatqan biregeı qundylyq dep esepteımin. Búgin bizdiń ortamyzǵa kelipotyrǵan Kúlıpa apamyzǵa kóp rahmetimdi aıtqym keledi. Óner súıer qaýymǵ aultymyzdyń qasıet daryǵan qolóneri men adamzattyń jańa dúnıesin sezimtaldyǵyn Qýandyq aǵamyz ben Kúlıpa apamyzdyń balasy músinimen somdasa, qyzdary gabılent ónerimen, qylqalam týyndylarymen elimizdi tańqaldyryp keledi. Osyndaı ónerli otbasynyń qolynan shyqqan ǵajaıyp óner týyndylaryna qarap, meniń oıyma Elbasymyzdyń «Uly ónerde shekteý de, shekara da joq» degen ulaǵatty sózi oralady. Árıne, urpaq jalǵastyǵy degen osy. Búgingi kórmeniń ıelerine Elorda turǵyndaryna keremet kóńil syılap jatqanyna alǵysymdy bildiremin», - deıdi Kúlaısha Aqtaeva.
Sýret pen qylqalam, sándik-qoldanbaly óner áýlettiń dástúrine aınalǵan eken. Otbasynyń qyzy Gúlnar Jubanııazova men uly NursultanJubanııazov zamannyń ózekti degen máselesine óz týyndylarymen ún qosa bilgen. Kenep pen maıly boıaýdan, tiginnen jasalǵan óner týyndylaryn Astana qalasynyń turǵyndary men shahar meımandary bir aı ýaqyttyń ishinde tamashalaı alady.
