Astanada Jubanııazovtar otbasynyń kórmesi ashylady
ASTANA. QazAqparat - Erteń, 27 qyrkúıekte Elbasy kitaphanasy ǵımaratynda sándik-qoldanbaly óner sheberleri Jubanııazovtar otbasynyń «Dala áýeni» atty kórmesi ótedi, dep habarlaıdy elorda ákimdiginiń resmı saıty .
Jubanııazovtar - Almaty sýretshileriniń arasyndaǵy tanymal otbasy. Alǵash ret áýlettiń kásibı shyǵarmashylyq irgesin - QR eńbek sińirgen mádenıet qaıratkeri, Sýretshiler odaǵynyń múshesi Qýandyq Naýryzbaıuly Jubanııazov (1947-2007) jáne onyń jubaıy dástúrli qoldanbaly óner ıesi, QR eńbek sińirgen mádenıet qaıratkeri Kúlıpa Esimqyzy qalady.
Kez kelgen shyǵarmashylyqpen aınalysatyn áýlettiń dástúrine aınalǵan mura sekildi Jubanııazovtar otbasynda da balalary ata-anasynyń ónerdegi isin jalǵastyrýda. Qyzy Gúlnar Jubanııazova - sýretshi, sándik-qoldanbaly óner sheberi, ónertaný magıstri, Qazaqstan Sýretshiler odaǵynyń múshesi, al uly Nursultan Jubanııazov - músinshi ári sýretshi, respýblıkalyq jáne sheteldik plastıka óneri kórmesiniń qatysýshysy.
Búgingi kúni Jubanııazovtar otbasynyń avtorlyq jumystary Qazaqstannyń shet elderdegi elshilikterinde, memlekettik jáne oblystyq mýzeılerde, sondaı-aq jeke galereıalarda saqtaýly. Kórmege usynylǵan óner týyndylary respýblıkalyq jáne halyqaralyq (Reseı, Vengrııa, Norvegııa, Germanııa jáne t.b.) baıqaýlar men kórmelerge qatysqan.
