Astanada JRVI juqtyrǵandar arasynda júkti áıelder kóp

ASTANA. QazAqparat – Astanada jiti respıratorlyq vırýstyq ınfektsııa jáne tumaýmen syrqattanýshylar qatary artyp barady. Bul týraly elorda ákimdiginde ótken onlaın brıfıngide Astana qalalyq qoǵamdyq densaýlyq saqtaý basqarmasy basshysy orynbasarynyń mindetin atqarýshy Berik Káıkenov málimdedi, dep habarlaıdy QazAqparat tilshisi.

«Qazir maýsymdyq jedel respıratorlyq aýrýlar jıi kezdesetin kezeń. Kóptegen adamdar tumaýdy aýyr aýrýlardyń qataryna jatqyzbaıdy. Alaıda, tumaý balalar, qarttar, sondaı-aq júrek pen ókpeniń sozylmaly detine shyldyqqandar úshin qaýipti. Tumaý aýyr dertterdiń damýyna jáne ólimge ákelýi múmkin ekenin umytpaýymyz kerek», - dedi Berik Káıkenov.

Sonymen qatar, ol qazirgi ýaqytta elordada JRVI juqtyrǵandar sany artyp bara jatqanyna toqtaldy. Sońǵy ýaqyttarda osyndaı belgilermen aýrýhanaǵa jatqyzylǵan júkti áıelder men balalar qatary kóbeıgen. Berik Káıkenov keltirgen derekke sáıkes, qyrkúıek aıynyń sońynda kún saıyn statsıonarlarǵa JRVI juqtyrǵan 3-4 júkti áıel tússe, qazir kúnine 14-16 áıel jatqyzylyp jatyr.

Al, Astana qalasynyń bas memlekettik sanıtarlyq dárigeri Sarhat Beısenovanyń málimdeýinshe, 2 apta ishinde 7 146 elordalyq jiti respıratorlyq vırýstyq ınfektsııa juqtyrǵan.

Foto: sites.wp.odu.edu