Astanada JRVI-ge qarsy 18 myńnan astam adam egildi
ASTANA. 16 qańtar. QazAqparat - Elordada epıdemıologııalyq maýsym kezeńinde JRVI-ge qarsy 18 139 adam egildi. Bul týraly astana.kz saıtyna Densaýlyq saqtaý basqarmasynan habarlady.
«2013-2014 jj. maýsymǵa 18 139 mólsherde vaktsına satyp alyndy, 18 139 adam (100%) egildi. Jumys berýshilerdiń esebinen aqyly negizde 48 485 adam, qalanyń aqyly kabınetterinde 8 520 adam egildi», - delingen habarlamada.
Aıta keteıik, Astanada tirkelgen JRVI-ge shaldyqqandardyń 15 484 tirkelgen, sonyń ishinde 20 adam tumaýmen aýyrǵan. 1000 adamǵa shaqqandaǵy aýrýdyń kórsetkishteri 1915,3 qurady.
Qalalyq juqpaly aýrýlar aýrýhanasyna epıdemıologııalyq maýsymda JRVI juqtyrǵan 463 naýqas (tirkelgen JRVI jaǵdaılarynyń 10%) jatqyzyldy.
QR Densaýlyq saqtaý mınıstrligi memlekettik sanıtarlyq-epıdemıologııalyq qadaǵalaý komıtetiniń habarlaýynsha, Qazaqstanda tumaýdy, tumaý tektes aýrýlardy (JRVI) epıdemııalyq qadaǵalaýdyń, olardyń qozdyrǵyshtarynyń aınalýyn jáne vırýstyń epıdemıologııalyq qaýipti shtammdaryn ýaqytyly anyqtaıtyn asa tıimdi júıesi engizilgen. Asa qaýipti ınfektsııalardyń, sonyń ishinde qus tumaýynyń respýblıka aýmaǵyna ákelinýin jáne odan ári taralýyn boldyrmaý maqsatynda Qazaqstan Respýblıkasynyń memlekettik shekarasynan ótkizý beketterinde táýlik boıy 36 sanıtarlyq-karantındik pýnkt jumys isteıdi.
