Astanada josyqsyz qurylys kompanııalaryna qatysty 16 qylmystyq is tergelip jatyr
ASTANA. KAZINFORM — Astana qalasynyń prokýratýrasynyń baspasóz qyzmeti málim etkendeı, qazir 12 adam qamaýǵa alynǵan.
Vedomstvo taratqan aqparatqa sáıkes elordada 6 myńnan asa salymshylary bar turǵyn úı keshenderin zańsyz salý deregi anyqtaldy.
— Búgingi tańda josyqsyz qurylys salýshylarǵa qatysty 16 qylmystyq is tergelýde, 12 adam qamaýda. Quny 7 mlrd teńgeden asatyn aıaqtalmaǵan qurylys obektilerin óndirip alý týraly prokýrordyń 8 talaby sotpen qanaǵattandyryldy. Salynyp jatqan turǵyn úı keshenderinde páterlerdi zańsyz satýdy júzege asyrǵan 51 qurylys salýshy ákimshilik quqyq buzýshylyq týraly Kodekstiń 320-baby boıynsha jaýaptylyqqa tartyldy, — delingen habarlamada.
Budan basqa, ruqsat qujatsyz úleskerlerdiń qarajatyn zańsyz tartý júzege asyrylǵan «Qurmangazy» turǵyn úı keshenin buzýǵa qol jetkizildi.
Óz kezeginde, quqyq belgileıtin qujattardyń, sondaı-aq daıyn jáne salynyp jatqan turǵyn úı keshenderi boıynsha úleskerlerdiń qarajatyn tartýǵa ruqsattyń bar ekenin silteme boıynsha ótý arqyly tekserýge bolady.
Buǵan deıin Astana mektepterinde qaýipsizdik sharalary kúsheıtilgeni belgili boldy.
