Astanada JOO qyzmetkeri grantqa túsirip beremin degen jeleýmen 3 mln teńge ıemdengen
ASTANA. KAZINFORM – Astanada stýdentter men olardyń ata-analaryn aldap, grantqa aýystyrý jóninde ýáde berip, aqshalaryn ıemdengen burynǵy JOO qyzmetkeri sottaldy. Bul týraly Bas prokýratýra málim etti.
— Túlekterdi jumyspen qamtýǵa járdemdesý sektorynda jumys isteı otyryp, ol stýdentter men olardyń ata-analaryn akademııalyq úlgerim, grantqa aýystyrý jáne stıpendııany qaıtarý máselelerin «sheship» bere alatynyna sendirgen. 2023-2024 jyldar aralyǵynda ol alaıaqtyq jolmen 3 mln teńgeden astam qarjyny ıemdengeni anyqtaldy. Onyń áreketinen 15 adam zardap shekken, — delingen prokýratýra habarlamasynda.
Memlekettik aıyptaýshy onyń kinásin tolyq dáleldedi.
Jábirlenýshilerge keltirilgen shyǵyn óteldi.
Kinásin moıyndap, zalaldy óteýi jáne kámeletke tolmaǵan balalarynyń bolýy eskerilip, ol 3 jylǵa bas bostandyǵyn shekteý jazasyna sottalyp, taǵaıyndalǵan merzimge probatsııalyq baqylaý belgilendi.
Úkim zańdy kúshine endi.
Eske sala keteıik, buǵan deıin adam saýdasyna qatysty 40 qylmys anyqtalǵanyn jazǵan bolatynbyz.