Astanada jóndeý jumystarynyń júrgizilýine oraı keı kóshelerde kólik qozǵalysy shektelýde (FOTO)
ASTANA. QazAqparat - Astana qalasynda ortasha jol jóndeý jumystaryn júrgizýge oraı 3-8 maýsym aralyǵynda Respýblıka dańǵylynan «Saparjaı» avtovokzalyna deıingi joldarda kólik qozǵalysy shekteledi, dep habarlaıdy astana.kz.
Astana qalasy Jolaýshylar kóligi jáne avtomobıl joldary basqarmasynyń habarlaýynsha, jol jóndeý jumystary barysynda qoǵamdyq kólikterdiń qozǵalys kestesi tómendegi baǵdar boıynsha ózgeredi: №3 marshrýt - Respýblıka dańǵyly - Esenberlın kóshesi - Birjan sal kóshesi - Vokzal. Qaıtar baǵyt ta osy keste boıynsha júzege asyrylady. №7 marshrýt - Respýblıka dańǵyly - Esenberlın kóshesi - Jeńis dańǵyly - Vokzal, odan ári ádettegi keste boıynsha. Odan ózge, búgingi tańda Óndiris turǵyn alabynda, Beısekova kóshesiniń Tilendıev pen Konstıtýtsııa kósheleri aýmaǵynda, Tilendıev dańǵylynyń Kúmisbekov kóshesi aýmaǵynda jol jóndeý jumystaryn júrgizýdiń saldarynan kólik qozǵalysy shekteldi. 2-4 maýsym aralyǵynda Qoshqarbaev-Obaǵan kósheleriniń qıylysy, 2-6 maýsym aralyǵynda Abaı dańǵylynyń «Megasport» aýmaǵynda jol qozǵalysy shekteledi. Jol jóndeý jumystaryna baılanysty Táshenov kóshesinde kólik qozǵalysy shekteldi. Bul jol 3 maýsymda ashylady. Kólik júrgizýshileri úshin joldarda arnaıy belgiler ornatylǵan.
