Astanada jóndeý jumystaryn júrgizgen JShS-niń salǵyrttyǵy saldarynan orta mektepterdiń biri 10 saǵattan astam sýsyz otyrdy
ASTANA. Qańtardyń 26-sy. QazAqparat - Astanada jóndeý jumystaryn júrgizip jatqan jaýapkershiligi shekteýli seriktestiginiń kesirinen aımaqtaǵy orta mektepterdiń biri 10 saǵattan astam sýsyz qaldy.
Bul týraly QazAqparat Tótenshe jaǵdaılar mınıstrliginiń málimetterine súıene otyryp habarlaıdy.
Qańtardyń 25-i kúni elordadaǵy Esil aýdanyna qarasty Zarechnyı aýylynda jerge baılanysty jumystarmen aınalysyp jatqan «Astana - Alkor» jaýapkershiligi shekteýli seriktestiginiń ókilderi 15 saǵat 50 mınýt shamasynda dıametri 200 mılımetrdi quraıtyn sý qubyryna zaqym keltirgen. Nátıjesinde sol aýyldaǵy №45 orta mektep 10 saǵattan astam sýsyz otyrǵan. Al qubyrdy jóndeý jumystaryn «Astana sý arnasy» memlekettik qazynalyq kásipornynyń qyzmetkerleri kelesi kúni, ıaǵnı qańtardyń 26-yna qaraǵan túni 2 saǵat 50 mınýt shamasynda jóndep bitti.
