Astanada jóndeý jumystaryna baılanysty qaı kósheler jabyq

ASTANA. KAZINFORM — Astana ákimdigi 23 sáýirde jóndeý jumystaryna baılanysty jabylǵan joldar týraly sońǵy málimetterdi taratty.

Tolyǵymen jabylǵan kósheler:

- osy jyldyń 20 sáýirinen 20 tamyzyna deıin Q.Qaısenov kóshesiniń Buqar Jyraý kóshesinen Táýelsizdik dańǵylyna deıingi ýchaskesi jabyldy;

- osy jyldyń 9 sáýiri men 30 tamyzy aralyǵynda Kúıshi Dına kóshesi M.Jumabaev dańǵylynan Mıras mektebine deıin jabyldy;

- osy jyldyń 22-26 sáýir aralyǵynda Kóktal kóshesi N. Tilendıev dańǵylynan Oqjetpes kóshesine deıin (bul rette kólik qozǵalysy taraptardyń biri boıynsha eki baǵytta qamtamasyz etilgen) jabyldy;

- osy jyldyń 19 sáýiri men 10 mamyry aralyǵynda Gaýhartas kóshesi Telqońyr kóshesinen Turan dańǵylyna deıin (bul rette kólik qozǵalysy taraptardyń biri boıynsha eki baǵytta qamtamasyz etilgen) jabyldy;

Jartylaı jabylǵan kósheler:

- osy jyldyń 21-28 sáýir aralyǵynda Sarybulaq kóshesi Tilendıev dańǵylynan Maskeý kóshesine deıin jabyldy (bul rette kólik qozǵalysy taraptardyń biri boıynsha eki baǵytta qamtamasyz etilgen);

- osy jyldyń 20-30 sáýir aralyǵynda Sh.Bókeev kóshesiniń Oqjetpes kóshesinen túbine deıin aralyǵynda jabyldy (bul rette kólik qozǵalysy taraptardyń biri boıynsha eki baǵytta qamtamasyz etilgen);

- osy jyldyń 19 sáýirinen 25 sáýirine deıin Máńgilik El dańǵyly Saraıshyq/Máńgilik El jol aıryǵynan F.Ońǵarsynova kóshesine deıin jabyldy (bul rette kólik qozǵalysy taraptardyń biri boıynsha eki baǵytta qamtamasyz etilgen). Jol tóseminiń betki qabatyn aýystyrý jumysy júrgizilip jatyr. Atalǵan jumystyń bári kepildik mindettemelerdiń bóligi bolyp sanalady jáne olardy oryndaý merdigerlik uıymdardyń qarajaty esebinen júzege asyrylady.

Aıta keteıik, Astanada taǵy bir kóshe jóndeýge jabylady.