Astanada jóndeý jumystaryna baılanysty qandaı joldar jabylady
ASTANA. KAZINFORM — Kólik jáne jol-kólik ınfraqurylymyn damytý basqarmasy Astana qalasynyń birneshe kóshelerinde ortasha jóndeý jumystarynyń bastalǵany týraly eskertti.
Astana qalasynyń Kólik jáne jol-kólik ınfraqurylymyn damytý basqarmasy qala turǵyndary men qonaqtaryn Táýelsizdik dańǵylynan J. Nájimedenov kóshesine deıingi ýchaskede Sh. Qaldaıaqov kóshesiniń ortasha jóndeý boıynsha jumystardyń bastalǵany týraly habardar etedi. Osyǵan baılanysty, aǵymdaǵy jylǵy 7 men 13 maýsym aralyǵynda kórsetilgen ýchaskede qozǵalys ishinara jabylatyn bolady. Osy ýaqytta avtokólik quraldarynyń qozǵalysy eki baǵytta bir jaǵynan kezeń-kezeńimen uıymdastyrylady.
Qala turǵyndary men qonaqtaryn І. Jansúgirov kóshesinen Manas kóshesine deıingi ýchaskede Abylaı han dańǵyly boıyndaǵy jol jabynynyń joǵarǵy qabatyn salý boıynsha jumystardy jalǵastyrylatyny týraly habardar etedi. Sonymen qatar, Abylaı han dańǵyly/Manas kóshesi qıylysy jabylatyn bolady. Osyǵan baılanysty, aǵymdaǵy jyldyń 7 men 8 maýsymda avtokólik quraldarynyń qozǵalysy tolyǵymen jabylatyn bolady.
Qala turǵyndary men qonaqtaryn R. Qoshqarbaev dańǵylynan Balqantaý kóshesine deıingi ýchaskede M.Jumabaev dańǵyly boıyndaǵy jol jabynynyń joǵarǵy qabatyn salý boıynsha jumystardy júrgiziletini týraly habardar etedi. Osyǵan baılanysty, aǵymdaǵy jyldyń 7 men 9 maýsym aralyǵynda avtokólik quraldarynyń qozǵalysy ishinara jabylatyn bolady. Avtokólik quraldarynyń qozǵalysy eki baǵytta da taraptardyń biri boıynsha uıymdastyrylatyn bolady.
Astana qalasynyń Kólik jáne jol-kólik ınfraqurylymyn damytý basqarmasy qala turǵyndary men qonaqtaryn Qorǵaljyn tas jolynan Q. Muhamedhanov kóshesine deıingi ýchaskede Domalaq ana kóshesiniń jóndeý jumystardyń sheńberinde jol jabynynyń joǵarǵy qabatyn tóseý júrgiziletini týraly habardar etedi. Osyǵan baılanysty, aǵymdaǵy jylǵy 7 men 8 maýsym aralyǵynda kórsetilgen ýchaskede qozǵalys tolyǵymen jabylatyn bolady.
Aıta ketelik Astanada 11 jasar bala sýǵa ketip qala jazdady.