Astanada joldyń jabylýyna baılanysty keı avtobýstardyń qozǵalys kestesi ózgerdi
ASTANA. QazAqparat - Astana qalasy Jolaýshylar kóligi men avtomobıl joldary basqarmasynyń habarlaýynsha, jol jóndeý jumystaryna baılanysty Jangeldın jáne Beıbitshilik kósheleriniń qıylysy jabyldy, dep habarlaıdy astana.kz.
Jol jóndeý jumystary aıasynda atalmysh joldar aýmaǵynda sý qubyrlaryn, jylý trassasyn tartý jáne jaýyn-shashynǵa, turmystyq maqsattarǵa arnalǵan kárizderdi ornatý boıynsha jumystar atqarylýda. Sonymen qatar jol qozǵalysy shektelgen aımaqta abattandyrý jumystary da qolǵa alynbaq. Basqarmanyń málimetine súıensek, Jangeldın-Beıbitshilik kóshelerindegi jóndeý jumystary 1 qyrkúıek kúni aıaqtalmaq. Osyǵan baılanysty №9, 10, 23, 33 avtobýstarynyń qozǵalys kestesine ózgertýler engizildi. Atalmysh baǵytta júretin qoǵamdyq kólikter Bógenbaı batyr dańǵyly arqyly júretin bolady.
