Astanada joldyń bir bóligi 3 kúnge jabylady
ASTANA. KAZINFORM — Astanada Kúltegin kóshesinen E15 kóshesine deıingi ýchaskede 5-7 qyrkúıek aralyǵynda kólik qozǵalysy tolyq jabylady. Bul ýchaskede jańbyr sýyn burý júıesin ornatý jumystary júrgiziledi. Bul týraly Astana qalasynyń Kólik jáne jol-kólik ınfraqurylymyn damytý basqarmasy habarlady.
Kúltegin kóshesinen E15 kóshesine deıingi ýchaskede sýdy burý maqsatynda jańbyr sýyn qabyldaıtyn qudyqtardy ornatý boıynsha qurylys-montaj jumystary júrgiziledi.
Osyǵan baılanysty 5-7 qyrkúıek aralyǵynda shemaǵa sáıkes atalǵan ýchaskede kólik qozǵalysy tolyqtaı jabylady.
— Júrgizýshiler men jaıaý júrginshilerden marshrýttaryn aldyn ala josparlap, qozaǵlysty uıymdastyrýǵa yqtımal ózgeristerdi eskerýdi suraımyz. Qaýipsizdikti qamtamassyz etý jáne qolaısyzdyqtardy barynsha azaıtý maqsatynda jol belgileri men baǵyttaǵysh kórsetkishter ornatylady, — delingen basqarma habarlamasynda.
Aıta keteıik, buǵan deıin Astanadaǵy Tóle bı kóshesiniń taǵy bir bóliginde qozǵalys shekteletinin jazdyq.
